Atatisha: Jack Wilshere amekuwa akisumbuliwa na majeruhi ya mara kwa mara.
ARSENE Wenger anaamini kuwa Jack Wilshere anaweza kutimiza ndoto zake za kuwa mchezaji mkubwa na kumwambia kiungo huyo wa England kuwa lazima akubali kukosolewa kutokana na aina ya uchezaji wake na tabia ya nje ya uwanja.
Nyota huyo mwenye miaka 22 amekuwa akisumbuliwa na majeruhi ya mara kwa mara na kushindwa kuwa mchezaji muhimu katika kikosi cha washika bunduki wa London na timu ya taifa ya England.
Hata hivyo,Wilshere anaendelea na tabia yake isiyofaa nje ya uwanja baada ya wiki za karibuni kupigwa tena picha akivuta sigara wakati wa mapumziko.
Tukio hilo lilitokea akiwa katika mapumziko baada ya kikosi cha Roy Hodgson kutolewa hatua ya makundi.
“Kama Wilshere ataimarika kiafya, atakuwa mchezaji mkubwa katika maisha ya soka.
“Kwa wakati huu, naamini anatakiwa kujikita katika hilo-yaani kuwa fiti ili awepo na kuimarika. Mengine yatafuata”.
“Anatakiwa kukubaliana na kukosolewa, nilimwambia jambo la muhimu ni kumuona msimu mzima akicheza”.
Post a Comment